Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Жониворларга озор бериш

19:25 / 01.10.2018 | suxrob | 940
Ассалому алайкум! Ҳурматли устозлар, сизларга саволим шундан иборатки жониворларга озор берса улар хам қарғайдими? Жониворлар қарғиши бор нарсами?

«Зикр аҳлидан сўранг» ҳайъати:

- Ва алайкум ассалом! 

МУСЛА ҚИЛИШ, ҚАМАБ ҚЎЙИБ ЎЛДИРИШ ВА БОҒЛАБ
ҚЎЙИБ ЎЛДИРИШНИНГ КАРИҲ КЎРИЛГАНИ ҲАҚИДА
 

Изоҳ: Бу ерда «мусла» деганда тирик жониворнинг аъзоларини кесиб, ўлдириш назарда тутилган. Ҳайвонни боғлаб, тутқунда тутиб туриб, нишон қилиб олиш ҳам мумкин эмас, чунки бунда бир жонни беҳуда қийнаш, уни ўйин қилиш бор. «Боғлаб қўйиб ўлдириш» деб ўгирилган сўз араб тилида асосан кичик ҳайвонлар ва паррандаларни боғлаб қўйиб, нишон қилиб олишга айтилади. Ҳар иккисида ҳам жонивор азоб чеккани, қони эркин оқмагани учун бу ишлардан қайтарилган. 

عَنْ هِشَامِ بْنِ زَيْدٍ قَالَ: دَخَلْتُ مَعَ أَنَسٍ عَلَى الْحَكَمِ بْنِ أَيُّوبَ، فَرَأَى غِلْمَانًا - أَوْ فِتْيَانًا - نَصَبُوا دَجَاجَةً يَرْمُونَهَا. فَقَالَ أَنَسٌ: نَهَى النَّبِيُّ صَلَّى اللهُ عَلَيْهِ وَسَلَّمَ أَنْ تُصْبَرَ الْبَهَائِمُ 

Ҳишом ибн Зайддан ривоят қилинади:
«Ҳакам ибн Айюбнинг олдига Анас билан кирдим. У бир товуқни (боғлаб) қўйиб, унга (ўқ) отаётган болаларни [ёки йигитларни] кўриб қолди. Анас: «Набий соллаллоҳу алайҳи васаллам ҳайвонларни боғлаб қўйиб ўлдиришдан қайтарганлар», деди». 

  حَدَّثَنَا أَحْمَدُ بْنُ يَعْقُوبَ، أَخْبَرَنَا إِسْحَاقُ بْنُ سَعِيدِ بْنِ عَمْرٍو، عَنْ أَبِيهِ أَنَّهُ سَمِعَهُ يُحَدِّثُ عَنِ ابْنِ عُمَرَ رَضيَ اللهُ عَنْهُمَا أَنَّهُ دَخَلَ عَلَى يَحْيَى بْنِ سَعِيدٍ وَغُلَامٌ مِنْ بَنِي يَحْيَى رَابِطٌ دَجَاجَةً يَرْمِيهَا، فَمَشَى إِلَيْهَا ابْنُ عُمَرَ حَتَّى حَلَّهَا، ثُمَّ أَقْبَلَ بِهَا وَبِالْغُلَامِ مَعَهُ فَقَالَ: ازْجُرُوا غُلَامَكُمْ عَنْ أَنْ يَصْبِرَ هَذَا الطَّيْرَ لِلْقَتْلِ، فَإِنِّي سَمِعْتُ النَّبِيَّ صَلَّى اللهُ عَلَيْهِ وَسَلَّمَ نَهَى أَنْ تُصْبَرَ بَهِيمَةٌ أَوْ غَيْرُهَا لِلْقَتْلِ  

Бизга Аҳмад ибн Яъқуб сўзлаб берди:
«Бизга Исҳоқ ибн Саъид ибн Амр хабар қилдики, у отасининг шундай деб сўзлаб бераётганини эшитган экан: «Ибн Умар розияллоҳу анҳумо Яҳё ибн Саъиднинг ҳузурига кирса, Яҳёнинг фарзандларидан бири бир товуқни (боғлаб) қўйиб, унга (ўқ) отаётган экан. Ибн Умар бориб, уни бўшатди ва уни ҳам, ёнидаги болани ҳам олиб келди да: «Мана бу қушни ўлдириш учун боғлаб қўйгани учун болангизнинг таъзирини беринглар! Чунки мен Набий соллаллоҳу алайҳи васалламниниг ҳайвон ёки бошқа жониворни ўлдириш учун боғлаб қўйишдан қайтарганларини эшитганман», деди». 

عَنْ سَعِيدِ بْنِ جُبَيْرٍ قَالَ: كُنْتُ عِنْدَ ابْنِ عُمَرَ فَمَرُّوا بِفِتْيَةٍ أَوْ بِنَفَرٍ نَصَبُوا دَجَاجَةً يَرْمُونَهَا، فَلَمَّا رَأَوُا ابْنَ عُمَرَ تَفَرَّقُوا عَنْهَا، وَقَالَ ابْنُ عُمَرَ: مَنْ فَعَلَ هَذَا؟ إِنَّ النَّبِيَّ صَلَّى اللهُ عَلَيْهِ وَسَلَّمَ لَعَنَ مَنْ فَعَلَ هَذَا  

Саъид ибн Жубайрдан ривоят қилинади:
«Ибн Умарнинг олдида эдим. У бир товуқни (боғлаб) қўйиб, унга (ўқ) отаётган йигитлар[ёки бир неча киши]нинг ёнидан ўтди. Улар Ибн Умарни кўришлари билан уни ташлаб, тарқалиб кетишди. Ибн Умар: «Буни ким қилди? Набий соллаллоҳу алайҳи васаллам бундай қилганни лаънатлаганлар!» деди». (“Олтин силсила” китобидан Саҳиҳул Бухорий). Валлоҳу аълам!

Топ рейтинг www.uz Openstat