Ота балоғатга етган қизини ўпса, аёли унга ҳаром бўлиб қоладими?
Ассалому алайкум. Мен Сўфи Оллоёр ёзган «Маслак ул-Муттақийн» китобида ўқиган эдимки, ота балоғатга етган қизини ўпса, қизнинг онаси отага ҳаром бўлар экан, шаҳват билан бўлса ҳам, бўлмаса ҳам. Агар бошида рўмол бўлса-ю, бошидан ўпса ҳам. Шу масалада сиз нима дейсиз, домла? Бу ҳақда ривоят борми ёки бунга акс ривоят борми? Жавобингиз учун олдиндан раxмат!
- Ва алайкум ассалом! Сизнинг саволингизга ушбу ривоят жавоб бўла олади:
عَنْ عَائِشَةَ أُمِّ الْمُؤْمِنِينَ، قَالَتْ: مَا رَأَيْتُ أَحَدًا أَشْبَهَ سَمْتًا وَدَلًّا وَهَدْيًا بِرَسُولِ اللهِ فِي قِيَامِهَا وَقُعُودِهَا مِنْ فَاطِمَةَ بِنْتِ رَسُولِ اللهِ صَلَّى اللهُ عَلَيْهِ وَسَلَّمَ قَالَتْ: وَكَانَتْ إِذَا دَخَلَتْ عَلَى النَّبِيِّ صَلَّى اللهُ عَلَيْهِ وَسَلَّمَ قَامَ إِلَيْهَا فَقَبَّلَهَا وَأَجْلَسَهَا فِي مَجْلِسِهِ، وَكَانَ النَّبِيُّ صَلَّى اللهُ عَلَيْهِ وَسَلَّمَ إِذَا دَخَلَ عَلَيْهَا قَامَتْ مِنْ مَجْلِسِهَا فَقَبَّلَتْهُ وَأَجْلَسَتْهُ فِي مَجْلِسِهَا. رَوَاهُ أَبُو دَاوُدَ وَالتِّرْمِذِيُّ وَغَيْرُهُمَا.
Абу Довуд, Термизий ва бошқалар келтирган ривоятда Оиша онамиз розияллоҳу анҳо қуйидагиларни айтадилар:
«Кўринишда, ҳайбатда, ўзини тутишда, ўтириш ва туришда Фотима бинт Расулуллоҳ соллаллоҳу алайҳи васалламчалик Расулуллоҳ соллаллоҳу алайҳи васалламга ўхшаш одамни кўрмадим. Агар у Набий соллаллоҳу алайҳи васалламнинг ҳузурларига кирса, у зот ўринларидан туриб, (қўлини) ўпиб кутиб олар ва ўз ўринларига ўтирғизар эдилар. Набий соллаллоҳу алайҳи васаллам унинг олдига кириб қолсалар, у туриб, у зотни (қўлларини) ўпиб кутиб олар ва ўз ўрнига ўтирғизар эди».
Валлоҳу аълам.
Дин ишлари бўйича қўмитанинг хулосаси рақами: 2022 йил 03-07/1077
