«Валий ва икки адолатли гувоҳсиз никоҳ никоҳ эмас», деган ҳадис бор экан

00:00 / 25.10.2010 | eski savollar | 3880

Ассалому алайкум! Ҳурматли Шайх ҳазратлари, Сизга бу саволни олдин ҳам берган эдим, аммо ҳали жавоб олганим йўқ. Илтимос, жавоб беринг. Менинг оила қурганимга 5 йил бўлди, 2 фарзандим бор, никоҳимни масжидда масжид имоми ўқиган. Никоҳ маросимида мен билан келиндан ташқари 2 эркак ва 1 аёл гувоҳ бўлган, барча гувоҳлар куёв томондан, келин томондан ҳеч ким қатнашмаган. Келинни турмушга унинг бобоси узатган, лекин никоҳ ўқиш вақтида оғир касаллиги туфайли қатнаша олмаган. Расулуллоҳ соллаллоҳу алайҳи васалламдан «валий ва икки адолатли гувоҳсиз никоҳ никоҳ эмас», деган ҳадис бор экан. Менинг никоҳим саҳиҳ бўладими? Аллоҳ рози бўлсин.

Шайх Муҳаммад Содиқ Муҳаммад Юсуф роҳимаҳуллоҳ:

- Ва алайкум ассалом! Мен бу саволни энди, биринчи марта ўқияпман. Никоҳингиз тўғри. Келиннинг бобоси беморлиги туфайли никоҳ мажлисида ҳозир бўлмаганлиги ушбу никоҳга таъсир қилмайди.

Валлоҳу аълам.

Дин ишлари бўйича қўмитанинг хулосаси рақами: 2022 йил 03-07/1077