Қурон тафсири
00:00 / 20.07.2010 | eski savollar | 2473
Ассалому алайкум, Шайх ҳазратлари. Мен Қуръон ўқиб туриб, бир жумлага тушуна олмай, сизга савол беришга мажбур бўлдим. Нисо сурасининг 23-оятида «...опа-сингилларни қўшиб хотинликка олманглар...» деб ёзилган экан. Бу жумлада опа-сингилларни бирданига хотинликка олиш назарда тутиляптими? Мен баъзи бир ҳолларда хотинининг вафотидан сўнг хотинининг синглисига уйланганларни эшитганман. Бунга шариатда қандай қаралади? Жавоб учун олдиндан раҳмат, Аллоҳ сиздан рози бўлсин!
Шайх Муҳаммад Содиқ Муҳаммад Юсуф роҳимаҳуллоҳ:
- Ва алайкум ассалом! Опа-сингилни бир вақтнинг ўзида хотин қилиб олиб туриш жоиз эмас. Вафот ёки талоқдан сўнг опанинг ёки сингилнинг ўрнига улардан иккинчисига никоҳланса бўлади.
Валлоҳу аълам.
