Бир ҳадиснинг шарҳи ҳақида

Ассалому алайкум, ҳурматли Шайх Ҳазратлари! Анас розияллоҳу анҳудан ривоят қилинади: Набий соллаллоҳу алайҳи васаллам: “Кимки ўзи севиб хоҳлаган нарсани биродари учун хам хоҳласа ўшанинг иймони тўлиқ бўлади” деганлар. Имом Бухорийнинг тўпламларида биродари деганда Ислом динидаги биродарини назарда тутаяптилар, Шайх Хасан Алининг (Покистонлик, ҳозирда Лондондаги масжидда имомлик қиладилар) бир интернетдаги хутбаларида эшитдимки: шу ҳадисни келтириб айтдиларки Имом Нававий биродари деганда бутун одамзодни назарда тутганлар дедилар. Бу борада сизнинг жавобингиз қандай? Чунки мен бир бегона давлатда талабаман (мусофирман), хонадошларимни ҳар сафар ҳам меҳмон қилишим шартми демоқчиман? Хоҳ мусулмон бўлсин, хоҳ номусулмон (афсуски хонамда мўминлар йўқ). Маслаҳат беринг устоз, Аллоҳ ҳаммамиздан рози бўлсин! Ассалому алайкум.