Отам ҳақида, Онамга берган ваъдам

Ассалому алайкум, Ҳурматли Шайх Ҳазратлари! (Мен ҳўжайинимнинг профилидан кирдим. ) Менинг отам ва онам ажрашиб кетишган. Мен ўзим турмушга чиқганман. Ҳозирда мен отам билан телефон орқали гаплашиб тураман. Отам асли ёмон одам эмас, айрим ўзи биладиган сабабларга кўра бизни ёшлигимизда ташлаб кетган, онам кўп қийинчиликлар билан бизни боқиб вояга етказди, турмушга узатди, ҳозир онажоним оғир бетоб. Онам отам билан гаплашишимга қарши. Отам билан гаплашаётганимни онамга билдирмасликка ҳаракат қиламан. Отамни мендан норози бўлишидан ёки хафа бўлишидан Аллоҳдан қўрқаман, оталик вазифасини бажармаган бўлсада. Куни кеча отам билан гаплашаётганимни онам эшитиб қолди ва навбатдаги норозилигини билдириб йиғлади, мен онамни олдида ўзимни айбдор ҳисоблаб, отам билан қайтиб гаплашмасликка ваъда бердим. Энди нима қилишга ҳайронман, ортда онамнинг розилиги, отамнинг розилиги ва берган ваъдам?