Балиқ боқишлик ҳақида

Ассалому алайкум, ҳурматли Шайх Ҳазратлари! Саволларимга жавоб бераётганиз учун Аллоҳ сиздан рози бўлсин, илтимос шу саволимга ҳам жавоб берсангиз. Кўп қаватли бинода турамиз, хонамизда 30 литрли аквариумда балиқ боқамиз. Тижорат учун эмас, шунчаки қизиқиш сабабли. Бир маърузада эшитгандим, уйдан бадбуй ҳид таралиб турса фаришталар озор чекиб шу уйни тарк этади дейилганди. Аквариумда сув тозаловчи мослама ҳам бор, барибир суви жуда тез ифлос бўлади, ўзидан бирам бадбўй ҳид чиқаради. Сувини тез-тез алмаштириб тураман. Ёз кунлари ойнани очиб ҳавони тозалаб тураман, лекин совуқ кунларда ойнани очмаймиз. Исломда балиқ боқишлик борми, Аллоҳ бу учун ажр берадими ёки боқмаганимиз яхшими?