устозга савол

муҳтарам устоз, шайх жаноблари! Алҳамдулиллаҳ, сизнинг қаламингизга мансуб асарларни мутолаа қилиб ғоят улкан фойдалар олмоқдамиз, дийнимиз асосларини, шариат аҳкомларини ва жуда кўп зарурий илмлар олиб билимимизни ошириб бормоқдамиз. Устоз, "Тафсири ҳилол" ва "Кифоя" китобларингизни ўзим мутолаа қилдим, устозсиз. Ман айтмоқчи бўлганим, ушбу китобларда тушуниш қийин бўлган, маъносини чақишга қийналган жойларим деярли бўлмади. Жудаям равон, тушунарли тилда ёзилган, маънолари жуда дақиқ жойларигача батафсил баён қилинган деб ўйлайман. Албатта устоз билан ўқилса, бундан ҳам кўпроқ фойдалар ҳам бўлса керак эди, бироқ, ҳозирги шароитларни ўзингиз биласиз. Шу кунларда аввал "Тафсири ҳилол"ни, сўнг "Кифоя"ни қайта ўқишга ният қилиб, "Тафсири ҳилол"ни бошлаб қўйдим. Сиздан сўрамоқчи бўлганим, бу сафар аҳлим билан бирга мутолаа қилмоқдамиз. Ман ўзим устозсиз ўқиган бўлсамда, мутолаа жараёнида аёлимга бироз тушунтириб, ҳаётий мисоллар билан шарҳлаб борсам бўладими? Ёки ушбу китобларни албатта устоз билан ўқиш керакми?