«Қаҳри қул» деган дуо ҳақида
Ассалому алайкум ва раҳматуллоҳи ва барокатуҳ.
Ҳазрат, мен бир танишимдан: «Қаҳри қул» деган дуони ҳар куни етти марта ўқиб, ўзига дам солиб юрса, бало-қазолардан асрайди», деган гапни эшитиб қолдим. Мен бу дуо ҳақида унча маълумот тўплай олмадим. Саволим:
1. Иложи бўлса, бу дуонинг мазмуни ҳақида қисқача маълумот берсангиз.
2. Ушбу дуони кунига етти марта ўқиб, ўзига дам солиб юрса бўладими?
3. Агар бўлмаса, бало-қазолардан, ёмон кўзлардан, сеҳр-жодудан асраши учун қайси дуоларни ўқиб, дам солиб юрганимиз маъқул?
Аллоҳ ҳаммамиздан рози бўлсин. Ҳаммамизга ҳам икки дунё саодатини ато этсин. Омийн.
- Ва алайкум ассалом!
1. Менда бу ҳақда маълумот йўқ.
2. Бўлмайди. Чунки бу дуони кимдир тўқиб чиқарган бўлиши мумкин.
3. Бунинг учун «чор қул» деб аталадиган, яъни Ихлос, Фалақ, Наас ва Каафирун ҳамда Оятал Курсий каби Қуръони Каримда келган сура ва оятларни ўқиб, дам солиб юрилади.
Валлоҳу аълам.
Дин ишлари бўйича қўмитанинг хулосаси рақами: 2022 йил 03-07/1077
