Аввобийн намозини ўқиб юрган одам жаҳаннамдан омонда бўлиши ростми?

Бисмиллаҳир Роҳманир Роҳийм.

Фарз ва вожиб намозларни вақтида ўқиш ҳаммасидан афзал.

Аввобийн намози.

Бу намоз шом намозидан кейин ўқилади ва олти ракъат бўлади. Аввал тўрт, кейин икки ракъат ёки икки-икки ракъатдан қилиб ўқилади.

Аллоҳ таоло Исро сурасида шундай марҳамат қилади:

فَإِنَّهُ كَانَ لِلْأَوَّابِينَ غَفُورًا

 «У сертавбалар учун мағфиратлидир», деган (25-оят).

عَنْ عَمَّارِ بْنِ يَاسِرٍ رَضِيَ اللهُ عَنْهُ قَالَ: رَأَيْتُ حَبِيبِي رَسُولَ اللهِ صَلَّى اللهُ عَلَيْهِ وَسَلَّمَ صَلَّى بَعْدَ الْمَغْرِبِ سِتَّ رَكَعَاتٍ وَقَالَ: «مَنْ صَلَّى بَعْدَ الْمَغْرِبِ سِتَّ رَكَعَاتٍ غُفِرَتْ لَهُ ذُنُوبُهُ وَإِنْ كَانَتْ مِثْلَ زَبَدِ الْبَحْرِ». رَوَاهُ الطَّبَرَانِيُّ.

Аммор ибн Ёсир розияллоҳу анҳудан ривоят қилинади:

«Ҳабибим Расулуллоҳ соллаллоҳу алайҳи васалламнинг шомдан кейин олти ракъат намоз ўқиганларини кўрдим. У зот: «Ким шомдан кейин олти ракъат ўқиса, агар денгизнинг кўпигича бўлса ҳам, гуноҳлари мағфират қилинур», дедилар».

Табароний ривоят қилган.

Валлоҳу аълам.

 Дин ишлари бўйича қўмитанинг хулосаси рақами: 2022 йил 03-07/1077