Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

"Умматимдан бирортаси дўзахда қолса рози эмасман" ҳадиси саҳиҳми

10:24 / 15 сентабрь | Ботиржон | 1242
Ассалому алайкум! Ҳурматли устозлар, телеграм ижтимоий тармоғида шу гап юрибди. Расулуллоҳ соллаллоҳу алайҳи васаллам “Жоним қўлида бўлган зотга қасамки, умматимдан бирортаси дўзахда қолса рози эмасман” деган эканлар. Ушбу хадис саҳиҳми?

«Зикр аҳлидан сўранг» ҳайъати:

– Ва алайкум ассалом! Сиз келтирганларингиз ҳадис эмас ибн Аббос розияллоҳу анҳунинг сўзлари бўлиб, санади ҳам саҳиҳ эмас экан. Бу борадаги саҳиҳ қавл қуйидаги ҳадис экан. 

عَنْ عَبْدِ اللهِ بْنِ عَمْرِو بْنِ الْعَاصِ رَضِي اللهُ عَنْهُما : أَنَّ النَّبِيَّ صَلَّى اللهُ عَلَيْهِ وَسَلَّمَ تَلَا قَوْلَ اللهِ عَزَّ وَجَلَّ فِي إِبْرَاهِيمَ:  رَبِّ إِنَّهُنَّ أَضْلَلْنَ كَثِيرًا مِّنَ النَّاسِ فَمَن تَبِعَنِي فَإِنَّهُ مِنِّي الْآيَةَ. وَقَالَ عِيسَى عَلَيْهِ السَلام:  إِن تُعَذِّبْهُمْ فَإِنَّهُمْ عِبَادُكَ وَإِن تَغْفِرْ لَهُمْ فَإِنَّكَ أَنتَ الْعَزِيزُ الْحَكِيمُ ، فَرَفَعَ يَدَيْهِ، وَقَالَ: «اللَّهُمَّ! أُمَّتِي أُمَّتِي»، وَبَكَى، فَقَالَ اللهُ عَزَّ وَجَلَّ: يَا جِبْرِيلُ، اذْهَبْ إِلَى مُحَمَّدٍ، وَرَبُّكَ أَعْلَمُ، فَسَلْهُ مَا يُبْكِيكَ؟ فَأَتَاهُ جِبْرِيلُ عَلَيْهِ الصَّلَّاةُ وَالسَّلَامُ فَسَأَلَهُ، فَأَخْبَرَهُ رَسُولُ اللهِ صَلَّى اللهُ عَلَيْهِ وَسَلَّمَ بِمَا قَالَ، وَهُوَ أَعْلَمُ، فَقَالَ اللهُ: يَا جِبْرِيلُ، اذْهَبْ إِلَى مُحَمَّدٍ فَقُلْ: إِنَّا سَنُرْضِيكَ فِي أُمَّتِكَ وَلَا نَسُوءُكَ 

Абдуллоҳ ибн Амр ибн Ос розияллоҳу анҳумодан ривоят қилинади:
«Набий соллаллоҳу алайҳи васаллам Аллоҳ азза ва жалланинг Иброҳим алайҳиссалом ҳақидаги «Роббим, улар (санамлар) одамлардан кўпини адаштирдилар. Ким менга эргашса, у мендандир» деган сўзини ва Ийсо алайҳиссаломнинг «Агар уларни азобласанг, улар Ўзингнинг бандаларинг. Агар уларни мағфират қилсанг, албатта, Сен азизсан, ҳакимсан», деганини тиловат қилиб, қўлларини кўтардилар-да, «Аллоҳим, умматим, умматим!» деб йиғладилар. Шунда Аллоҳ азза ва жалла: «Эй Жаброил, Муҳаммаднинг олдига бориб, «Нима учун йиғлаяпсан?» деб сўрагин, ваҳоланки, Роббинг Ўзи билувчидир», деди. Жаброил алайҳиссолату вассалом у зотнинг ҳузурларига келиб, сўраган эди, Аллоҳ Ўзи билса ҳам, Расулуллоҳ соллаллоҳу алайҳи васаллам нима деганларини айтдилар. Шунда Аллоҳ: «Эй Жаброил, Муҳаммаднинг олдига бориб, «Умматинг хусусида сени рози қиламиз, хафа қилиб қўймаймиз», деб айт», деди». (Имом Муслим ривояти). Валлоҳу аълам!

Топ рейтинг www.uz Openstat