Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Оиша онамиз жаҳл устида овқат тўла қозонни улоқтириб юборганмилар?

23:37 / 17 август | Mo'mina | 584

Ассалому алайкум! Танишим бир ҳадис айтиб берди. Унга кўра, Оиша онамиз бир куни Расулуллоҳ соллаллоҳу алайҳи васаллам билан хафалашиб қолиб, жаҳл устида овқат тўла қозонни улоқтириб юборган эмишлар. Шунда Росулуллоҳ индамай ерга тўкилган овқатни тозалаб еган эмишлар. Ва: "аёлларнинг қайсарликларига сабр қилишимиз керак" деган гапни айтган эканлар. Бу саҳиҳ ҳадисми? Шу воқеа ҳақиқатдан ҳам рўй берганми? Ишониб қўйсам Оиша онамизга туҳмат қилган бўлиб қолмайманми? (Астағфируллоҳ).


«Зикр аҳлидан сўранг» ҳайъати:

– Ва алайкум ассалом! Воқеъ у ташингиз айтганиндек бўлмаган. Воқеъани аслини “Бахтиёр оила” китобидан иқтибос қиламиз:
Абу Довуд ва бошқалар Анас розияллоҳу анҳудан ривоят қиладилар:
«Набий соллаллоҳу алайҳи васаллам аёлларидан бирининг ҳузурида эдилар. Мўминларнинг оналаридан бирлари бир идишга таом солиб, ўз ходимларидан юбордилар. Бас, у (аёл) идишни қўли билан уриб, синдирди.
Набий алайҳиссалом идишнинг икки бўлагини бир-бирига қўшиб жамлаб, унга таомни йиға бошладилар ва: «Онангиз рашк қилди, енглар», – дедилар.
Улар то у (аёл)нинг идиши келгунча едилар. У зот: «Енглар», деб, хизматчини ҳам, идишни ҳам тутиб турдилар. Токи улар (таом емоқдан) фориғ бўлганларида бутун идишни хизматчига бердилар».
Ушбу ривоятда исмлари айтилмаётган, Пайғамбар соллаллоҳу алайҳи васалламнинг олдиларида бўлган завжаи мутоҳҳаралари Оиша онамиздир. Бўлиб ўтган ҳодисани ровийлар мақтовга сазовор эмас, деб тушуниб, у кишининг исмларини очиқ айтмай, учинчи шахс сийғасида, у аёл, деб гап юритишган.
Бошқа бир ривоятда эса, бу ҳодисани Оиша онамизнинг ўзлари айтиб берганлар. Пайғамбаримиз соллаллоҳу алайҳи васаллам у кишининг уйларида бир тўп кишилар билан ўтирганларида София онамиз таом пишириб, ходимлари орқали юборадилар. Идиш ҳам, таом ҳам Оиша онамизникидан яхши бўлади.
Шунда Оиша онамизни титроқ босиб, София онамизнинг идишларини уриб, синдирадилар. Идиш иккига бўлиниб, таом тўкилади. Пайғамбаримиз соллаллоҳу алайҳи васаллам идишнинг бўлакларини йиғиштириб, ушлаб туриб, таомни унга тўплайдилар ва ўтирган кишиларга: «Онангизнинг рашки келди, сизлар (ҳеч хижолат бўлмай) таомни енглар», – дейдилар.
Бошқа ривоятда айтилишича, Оиша онамиз:
«Ё Аллоҳнинг Расули, қилган ишимнинг каффороти нима?» – дейдилар. У зот:
«Идишга ўхшаш идиш, таомга ўхшаш таом», – дейдилар.
Оиша онамиз розияллоҳу анҳо София онамизнинг синган идишларига ўхшаш идиш олиб келишга кетадилар.
Пайғамбаримиз соллаллоҳу алайҳи васаллам эса одамларга таомни едириб, таом олиб келган хизматчини кетказмай турадилар. Таом еб бўлинганидан кейин бутун идишни хизматчига берадилар. Валлоҳу аълам!

Топ рейтинг www.uz Openstat