Рўйхатдан ўтган парол ёки логинингизни ёзинг
Ижтимоий тармоқлар орқали киринг:
Ёки рўйхатдан ўтинг:
Исмингиз
Э.Почтангиз
Паролингиз
Паролни такрорланг
Рўйхатдан ўтиш тугмасини босишингиз билан сайтдан фойдаланиш қоидалари билан ҳам танишиб чиққан бўласиз

Савол

00:00 / 29.06.2011 | eski savollar | 654
алйкум шайҳ ҳазиратлари Ражаб ойига ҳослаб роза тутишликдан базиуламолар қайтаришган икан ҳатто Умар р/а руза тутганларни таом эмагунча қулига урган иканлар бу ой жоҳилят даврида улугланган икан ва бу ойда мерож кичасини ҳам бу ойда булмаган буишлар ҳаммаси бидят дешган икан êки бемазҳабларни гапими ноурин савол булса узур Аллоҳ рози булсин

Шайх Муҳаммад Содиқ Муҳаммад Юсуф роҳимаҳуллоҳ:

- Бу гаплар бемазҳабларникими ёки бошқаларникими билмадим. Аммо ҳадисларда Ражаб ойида рўза тутишга тарғиб қилинган.РАЖАБ РЎЗАСИУсмон ибн ҳакимдан ривоят қилинади: «Саъид ибн Жубайрдан ражаб ойида турганимизда ражаб рўзаси ҳақида сўрадим. У: «Ибн Аббоснинг Расулуллоҳ соллаллоҳу алайҳи васаллам рўза тутар эдилар, ҳатто оғизларини очмасалар керак, дер эдик. Оғизлари очиқ бўларди, ҳатто рўза тутмасалар керак, дер эдик, деяётганини эшитганман», деди».Усмон ибн ҳаким Саъид ибн Жубайрдан Ражаб ойи рўзаси ҳақида сўраса ҳам, у киши Пайғамбаримиз соллаллоҳу алайҳи васалламнинг доимий одатлари ҳақида жавоб берганлар. У зот соллаллоҳу алайҳи васаллам гоҳида сурункасига рўза тутар эдилар, ҳатто кишилар у киши оғизларини очмаса керак, деб ўйлаб қолишади. Гоҳида эса, сурункали оғизлари очиқ юрганларидан кишилар энди рўза тутмасалар керак, деб ўйлаб қолишар эди. Ражаб ойда ҳам шундоқ бўлар эди.Мужийба ал-Боҳилийя розияллоҳу анҳо-дан, у киши ўз оталари ёки амакиларидан ривоят қилади: «Албатта, у (отаси ёки амакиси) Расулуллоҳ соллаллоҳу алайҳи васаллам ҳузурларига борибди. Сўнгра эса, бир йилдан кейин яна ҳолати ва кўриниши ўзгарган ҳолда келибди ва:«Эй Аллоҳнинг Расули, мени танимаяпсизми?» дебди.«Сени нима ўзгартирди? Чиройли кўринишда эдинг?» дедилар.«Сиздан ажраганимдан сўнг фақат кечасигина таом едим», деди.Шунда Расулуллоҳ соллаллоҳу алайҳи васаллам:«Нима учун ўзингни азобга солдинг?» дедилар-да, сўнгра:«Сабр ойи рўзасини тут ва ҳар ойдан бир кун тут», дедилар.«Бир оз зиёда қилинг, менинг қувватим бор», деди.«Икки кундан рўза тут», дедилар.«Бир оз зиёда қилинг», деди.«Уч кундан рўза тут», дедилар.«Бир оз зиёда қилинг», деди.«Ҳаром (ой)ларида рўза тут, сўнгра тарк қил, ҳаром (ой)ларида рўза тут, сўнгра тарк қил, ҳаром (ой)ларида рўза тут, сўнгра тарк қил, деб уч бармоқларини букиб очиб кўрсатдилар». Абу Довуд, Аҳмад ва Насаий ривоят қилишган.Ушбу ҳадисидан олинадиган фойдалар:1. Йил бўйи рўза тутиш шариатга тўғри келмаслиги, ўзини ўзи азоблаш эканлиги.2. Нафл рўза тутмоқчи бўлган одам Рамазондан бошқа ойларда бир кундан, икки ёки уч кундан тутса бўлиши.3. Агар мазкур миқдорни ҳам оз деб билса ва ҳаром ойларда уч кун-уч кундан тутса, яхши бўлиши. Ушбу ҳадисни бу фаслда келтирилишининг сабаби Ражаб ойи ҳам ҳаром ойлардан бўлганидандир. Аллоҳ таоло Қуръони каримда: «Албатта, Аллоҳнинг ҳузурида ойларнинг сони Аллоҳ осмонлар, ерни яратган куни ўн икки ой қилиб белгиланган. Улардан тўрттаси (уруш қилиш) ҳаром (ойлар)дир. Мана шу тўғри диндир. У (ой)ларда ўзингизга зулм қилманг», деган.ҳаром ойлар, дегани ҳурматли, улуғланган, уруш-жанжал, душманлик ҳаром қилинган ойлар, деганидир. Ана ўша ҳурматли тўрт оймуҳаррам, зулқаъда, зулҳижжа ва ражаб ойларидан иборатдир.Демак, Ражаб ойида нафл рўза тутиш савобли ҳисобланади. Машҳур саҳиҳ китоблардан бошқа ҳадис китобларида келтирилган ривоятларда ражаб ойида рўза тутганларга улкан савоблар ваъда қилинган. Иложини топган кишилар бу ойда нафл рўза тутсалар яхши бўлиши аниқ.

Топ рейтинг www.uz Openstat